[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أحبك حب لو تعرف كم أحبك بلا حسبان = كرهت اللي يحبونك وجيت الحب من شاني
تخيل لاتذكرتك ذكرت البحر والطوفان = ولامن غبت عن شوفي لقيتك داخل أعياني
أحس الكون من بعدك متاهات وقهر وأحزان = أنا بعدك كذا عايش مابين الهم وأحزاني
دخيلك كيف ماتذكر حنين الشوق والوجدان = دخيلك والزمن غلطة ثمنها وين وداني ؟
دخيلك لصفاء جوك تذكــّرلك بقايا أنسان = لعلك تذكر أجناني ليا من صرت وحداني
وأذا ماجابني هاجس ولا ذكرى ولا تحنان = يا أن الوقت متغــّير ؟ يا أنك واحد(ن) ثاني
عرفتك مرهفٍ حسـّـاس عطوفٍ تكرة الحرمان = أجل ماهي بمعقوله تصير أسباب حرماني
الا وشلون ماتذكر حروف من الوله وأشجان = وكل ماغبت عن عينيك تدوّر لين تلقاني
أقدم لك من أشعاري عـروس ولابسة فستان = ذهبها بعض من روحي .. فدتك حروف قيفاني
نزفت الشعر لعيونك وعزفته بأجمل الألحان = وأنا اللي ماتوقع يوم حـبيب الـروح ينساني
من أول لاكتبت أسمك أحس بنشوة الكسبان = ولاكنه غدا هالحين يذكــّرني بخسراني
خسرت أرضاك بجنوني وأنا المخطي وأنا الغلطان = حشى لله ماتخطي ولالك ذنب بجناني
ورجعت أرتــّب أوراقي وضاع الرقم والعنوان = وعساة اليا قرى شعري ذكر رقمي وعنواني
[/poet]