ويش أسوي وأنت والأيام ضدي = والهوى قاسي وياجوره عليٌه
مابغيت أوصل معه ووصلت حدي = وألتزمت الصمت وجروحي عصيٌه
قلت أغني للهوى يمكن يهدي = وكل ماغنيت له يزداد غيٌه
جيته أعرض له حناني وبعض ودي = وجاء يساومني على جمره وكيٌه
قلت أعديها وعيٌت لاتعدي = شفتها أكبر قلت أخليها قضيٌه
جربي طعم الأسى من جور صدي = ولا أنا ماعاد بصبر عالأذيٌه
أفهميها وإن بغيتيها تحدي = لايردك شوق قلبك يابنيٌه
والله إن تبطين ماتلقين ردي = لين أشوفك تشتكين من الأسيٌه
وإن تعبتي بعذرك من بوس يدي = وأقبل إنك تحضنيني لو شويٌه