قلت حظي جعل عمرك ماتقوم
عقب قصة ريم خلك مستريح
من عرفتك وانت آخر من يقوم
لاتفز ولا تعيــن اللي يطيـــح
يشهد الله ماتبكينا الهــــــموم
المواجع بيتها القلــب الجريح
والخساره عقبها فوزٍ يدوم
في زمنا مــايصح الا الصحيح
السوالف كلها شرهه ولوم
والنواظر..في رجا وجهٍ سميح
لا بغاها يقلب الدنيا بيوم
لو تصير المسأله ذبح وذبيح
والرفاقه وقتها عند اللزوم
ينعرف فيها الكريم امن الشحيح
يالله انك تنصر المظلوم دوم
لاتذله ..وسط هالكون الفـــسيـح
|