من يداوي جرحي ودواي هو عذابي
وانا طبيب نفسي وجروحي خابرها

كثر ما بان الشوق في رمشة أهدابي
اعطيت حب وما احصيت خناجرها

ياما غنيت وياما الحرف غنى بي
وياما اقفيت والقوافي ما تسايرها

لا سريت نجوم الليل تسرى بي
ولاغفيت كل أحلامي تسامرها

ما عاد يفرق حضوري من غيابي
وما عاد إحساسي يكتب محابرها

شاب شَعري وشِعري في شبابي
يا الله السلامه من دنيا نغادرها

ما ألوم الهوى ولا اكتب له عتابي
من حبنا حبيناه بروحنا سرايرها

وأروض حرف الهوى من رضابي
وأعزف لحون الشوق من بوادرها

الهوى رحله والنهاية أعانق ترابي
وحروف الهوى بعدي محدن ذكرها

قلبي أبيض مثل أكفاني وثيابي
يا الله عفوك وذنوب الهوى اغفرها

يا عالم البوح واسراري وكتابي
يا خالق النفس ومقدر مقادرها

يا شاعر الحرف واحساسه سرا بي
وقوافي الهوى ما جابت آخرها



بقلمي: ياسر إبراهيم
(بكاء بلادموع)

حرف إحساسي قصيد فى مجمله
ماهمني" لونه"بحره" و تفاعيله

صحيح ان أجمل الاحساس اوله
وصحيح الحرف واصف تفاصيله

بعض القصيد وحي من دنيا الوله
وبعضه حرف ما تلقى للوله دليله

وانا قصيدي إحساس طيف وأخيله
بعضه غصه وبعضه قصه جميله



وبعض الحروف ما تلقى التكمله
وبعض الاحساس من حرفي اشيله

اه يالقصيد كل حروفك مشكله
وجرحك دوا للقلوب العليله

ياسر إبراهيم خليفه**بكاء بلادموع**

• نسمات حرف مصريه
• سؤال
• ليل العنا