يا هـلاك المـوت لحظـة كبريـاءك=تنتـزع صمـت الكـلام ولا تبـالـي
يا شتات الحرف... شتتنـي رجـاءك=تمتلكني... كيف يمكنـك احتلالـي؟؟
تستفز احساس مـن صابـه بـلاءك=كالهوس واقعـك ماخـذ مـن خيالـي
الجنايـه... لحظـة اعـلان انتمـاءك=للرجـل فـي زي شرقـيٍ حـلا لـي
زوبعة إجـرام حولـك سلـك شائـك=والوصول "اعجاز" والـدرب "ابتهالـي"
ما عرفـت النـور إلا فـي ضيـاءك=والدجـى أصبـح غرامـي والليالـي
هام بك شـيٍ رقـى سابـع سمـاءك=والمـدى أعـلاي والتحليـق عالـي
ما وفيتك!!! لا ولا انصفني وفـاءك!!!=ما نسيتـك لا ولا بـك قلـب سالـي
بك نوايا عاثت بـأرض استلاءك...="سيدة إجرام" سـادت عـرش خالـي
الجنـون فنـون والجانـي دهــاءك=ما تخـاف الله فـي تعذيـب حالـي!!
لك دعائـي والمثـل لجلـي دعـاءك=حـرزك التسبيـح والتهليـل فـالـي
ليت لو تركـد ويهنـى لـي هنـاءك=وارتشـف أعذبـك ورويـك بزلالـي