دريت وإلا عساك اليوم ما تدري=خلاص قلبي على النسيان أقنعته
خلاص صبري وقف حده معك صبري=خلاص وصلك بقبر الحلم شيعته
خلاص حبك مسحته من بحر شعري =خلاص همي مع النسيان ودعته
أمن أول القلب في ليل الهوى يسري=وإن هب شوق الوصل لديارك أدفعته
وامن أول الشوق من فوقي إلى حدري=عشان وصلك كثير الشوق جمعته
ما هبت حكم القدر لو خانني قدري=ما طعت راعي الحكي فيك أنت ما طعته
ساومت نظرة عيونك والثمن عمري=إلين حتى قصيدي فيك طوعته
ومن عقب هذا غدرت بعشقي العذري=يا خاين العشق ليه الغدر طاوعته
لا ما هقيتك تلخبط بالهوى أمري=اللي شرى القرب منك يالغضى بعته
عن نيتك ليتني دريت من بدري=لا شك أشواق قلبي فيك ضيعته
خلاص بنساك يا أول من سكن صدري=ياللي مرار الصبر لجلك تجرعته