مسا البارح على طاري الجفا والبعد والميصال
سرا قلب الغرام مع الهجوس وفل جنحانه
عتب مدري ملامه وان بغيت تقول ضيقة بال
على قسوة ظروف وصدة الغالي وهجرانه
حبيبي مالقيت لشمس بعدك في لقاك ظلال
تخيلتك سحاب يسقي الضميان هتانه
حبيبي كيف تقسى وانت لك قلب الشقا مدهال
وانا اللي صب لك حلو القصيد ودم شريانه
حبيبي ماتضيق بك الحنايا والليال طوال
مدام العمر باقي به حياة تعيش باحضانه
لك الله ماشغلني غير حبك لين سم الحال
وتوسدت الجروح وقلت ديني عند ديانه
ترا كلن يطيب الا صويب الحب ماله فال
يميل مع الهبوب اليا ذكر جرحه وخلانه
تنازعه الطواري لنتصف ليله ودمعه سال
تذكر واحدن زود جفاه وقلل احسانه
|