[poet font="Simplified Arabic,4,white,bold,italic" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
لولا جمالك ماتعلمنا الغنى = والعود مارددت انا وتره جواب
ياليت مايسكن هنا الا انت وانا = والنار وغصون الخضيرة والضباب
انت طلب قلبي وشفه والمنى = بعدك نحل جسمي كما الشمعة وذاب
والناس مطلبها التجارة والغنى = وانت الغنى والمال ماحسب له حساب
مال الهوى والعشق فخر الا بنا = العشقة اللي غير عشقتنا سراب
لوحلقوا معنا وعاشو جونا = قالوا وجدنا قولهم كله صواب
واحنا اتفقنا ما نفارق بعضنا = مهما تحدتنا المتاعب والصعاب
ذقنا العذاب الوان من قهر اهلنا = كم هددونا بالأسنة والحراب
لما وجدنا خوفنا في ظلنا = كان اعتزال الناس خاوينا الذياب
والحب نطعم لذته في شربنا = من مثلنا ذاق المحبة بالشراب
ياللي هوانا مايهمك خلنا = هذا هوانا حالنا حال الشباب
مهما يعادينا ويوقف ضدنا = لا يفتكر في يوم نعطيه الجواب
لكن على فعله حسيبه ربنا = الواحد اللي من ترجاه استجاب
ماله مصالح يوم يوقف ضدنا = الا يسبب للمحبين العذاب




اختيار محبكم : فتى السهوه
[/poet]