ألا يا كامليـن المعرفـة سلـك الغـرام دقـاق
إلـى صـاب القلـوب الله يعافينـا يخرّقـهـا
انا لي صاحبٍ خـدّه ورا الشيلـه كمـا البـراق
بعرض المزنه اللى مثل شمس الظهـر بارقهـا
أحب مشاهد الغالي عسى ماهوب حـب فـراق
ولو راحت معه في مغـرب الدنيـا ومشرقهـا
إلى جا الليل ما شفته يزيـد بصـدري الدقـاق
معـه روحـي بسلـك العنكبـوت الله معلقهـا
إلى عرّض على اقف مثل وقفة كسيـر السـاق
وساعات الوداع اسرع مـن الكدلـك دقايقهـا