ينزح من الدهم السرايع روايع=
و يفهق عن جمال الحمايل بعيّر =
و ينوز من عوج الكراسي طلايع =
ويظهر على جذوع المطاعيم ثيّر =
و يارث سلاطين النواميس مايع =
وينصب على الشدة كديش منيّر =
وكثّر من أمداحه جليس الربايع =
ولا اطراه قال انّه تقوله نويّر =
عيبه من لسانه يعدّه شوايع =
ما يدري إن اسمه ما طب المسيّر=
لا ادخل دخيل ولا قطع جوع جايع=
أما حثالة قوم وألا مطيّر =
ما شاع صيته بالسنين الجلايع=
ألا سنة حطّ الرحل عن خضيّر =
وعَمّ الرخا وأطغى شريطي وبايع=
وقفّا زمان البطش واعفى المظيّر=
وكثرت مع جور الزمان البدايع =
وزلّ المزا حتى لباس الخديّر=
فمن عاش بالدنيا يشوف الفضايع=
فضايعٍ يلومها كل خيّر=
منها الزمن عذر اختلاف الطبايع=
لا اطرى بعضهم قال وقت تغيّر =
والخُلف في ناس تضيع الصنايع=
وألا الزمن ماخلف رجب عن قصيّر =
ولا قال لحثالة تبيع الودايع =
وتجزى راع المعروف بحكىالمعيّر=
وتغش وامنها بأشّر البضايع =
وتعطيه في حجم الكبير الصغيّر=
وترخص مذاهبها من اجل الطمايع =
ورصيدها على شرفها مقيّر =
فمالٍ بلا شيمة ومعروف ضايع=
يذهب وراهم بالمدر والحجيّر=