،، زرقاء اليمامة ،، ليست زرقانا ..
مرات نختار السكوت وحن بحاجه للكلام
دام الكلام اللي نعرفه لو نقوله مايفيد
للحرف في صدري ضجيج وللعطا أصل ومقام
والجرح عالجه الصبر والصمت له راسٍ عنيد
هذي هي الدنيا ولو قلنا على الدنيا السلام
ماقالت الدنيا علينا غير ماقلتوا جديد
اكثر سوالفنا غبش واكثر معانينا ملام
واصدق مواقفنا نفاقٍ فيه نرغب بالمزيد
واكثر خطاوينا لها قرعٍ تحت جنح الظلام
والحق نلطم وجهه الناصع وللدنيا عبيد
وعيون زرقانا ماشافت كود مقرون اللجام
وهذي زبيدة حكمها في وجه هارون الرشيد
قامت تخاطفنا يدين الشك ونشد الحزام
ونضج من وقع الخطوب ومنهج الفكر السديد
لين انتهينا قبل نبدا في متاهات الخصام
ولانعيش الاّ على الفتنة وتقديس البليد
على قواميس التعصّب كلنا ناخذ وسام
واللي عطانا لاوسمة ندعيه شيطانٍ مريد
وإبليس يلعن عندنا لكن نحب الأنقسام
تنحر مبادينا بصمت من الوريد اليا الوريد
ياذمة البوح أنتهى هيضك وغاياتك حرام
مادام عنوانك تفاصيله يذوب لها الجليد
شآعر من بعيد
|