حي الشعر ياشعر مخطوط رده
........فوق الورق ياطير غردت بالحان
تاقف لك غصون الإخا والموده
.........بورودها تاقف من عروق قيفان
غصون خضرا ماهي جرود قِدّه
............باوراقها شرنق فراشات قزان
اوراق غصن بالإخا كم نمده
............ماتتلف اوراقه فصولٍ وديدان
حط القوافي والحمول المشده
...........حط القوافي ريّح اليوم جنحان
واسمع هداهيد الشعر هدّ هدّه
.........مثلك عصيفير الخمايل بك الدان
تلعب مع النسمات مالك بصده
..............والصد بيدٍ فاقت حدود خدان
كم الورق بالشعر نكتب نقده
..........واحزاننا اهل الشهاده بما شان
في مجلس عزازٍ بعمرين اشده
......اهل الوفا والموجبه وان سما شان
ومن العزيز اللي حكم مصر مده
.....إلهم عدل رايف سبق شرع وايمان
ومن شاعر منسوب بالشعر جده
........ماهي خطيّه وان نهج نهج جدان
سربن تعدى واكمل السرب عدّه
...........مثل البدر من بعد عشراه لابان
للي غلاها يمد الاعيان وده
..........مد الجنان اللي على نهر لوزان
رعبوبتن تعطي من الوصف قده
...........مداتها بالزين لي شحت اذهان
غابت وردّت والحزن قمت اكدّه
..........كدّ اللي وده يصبغ البيت بدهان