يوم انا عمري ثمان اسنين حاولت اخترع صاروخ=
ارضي ارضي فيه مية قنبلـة نابالـم عنقوديـة=
تقصف الروم العلوج الين تمسحهم مـن الوجـود=
وكبرت وشي طبيعي حلمي الاول كبر في راسـي=
وانفقت كفي على مشروعي اكثر من مية مليـون=
والتفت الا وربعي يوم غطوا بالضمـاد عيونـي=
وادخلوني فـي ظـلام الليـل سيـارة مصفًحـة=
وادخلوني في غياهيب السجون ووجهوا لي تهمـة=
منتهك ميثاق جامعة الـدول ومزعـزع النظـام=
يوم اراد الله خرجت وربي انجاني بقـدرة قـادر=
وارسلت لي جامعات الغرب دعوة ضمن مؤتمـر=
وقعوا محضر براءة الاختراع وسجلوها باسمـي=
واعلنوا فوزي بنيل ارفع وسـام ومنـح جايـزة=
قلت هذولا البشر ما يستحقون اللضـى والصالـي=
وان ما حد يستحـق المـوت حـرق الا عريبيـة=
واتجهت لهم بصاروخي على مابي من الحقـادي=
انتبه يا كنترول ان جاك الايعاز اضغـط الزنـاد=
وانتبهت الا ثمان اصفار منظومه يميـن الواحـد=
اوه يا راسي جرادة ما حدن سـار احتطـب لهـا=
والله ما اخسر مية مليـون فـي زمـرة مهبلـة=