غيرك ترا عشره وميه ومليون=ماتوقف الدنيا عليك أنت بالذات
لاتحسبنك وحدك اليوم مزيون=في من يساوي زينكم عشر مرات
ولاتحسبني كان صديت مجنون=ولا بجر بتال الليل أهات
ماشلت همي ماني اليوم مغبون=ولاني مكثر في غيابك محاتات
أوقف وعلمني ألا من تكون=توك صغير فالدروب الطويلات
وأنا علي درب الهوا جار وأمون=كم لي معه يازين روحه وسجات
مره طعنت ومره أصير مطعون=يعني علي ماقيل عامل دراسات
وكم مرتن خانوا وكم مره أخون=دكتور دارس من جميع المجالات
فلا تفكر تلعب الدور بالعون=أنك تبي تفشل ولابه مساوات
بكره تبي ترجع مكسر ومحزون=لاكن ماينفعك بكره حسوفات
أما تجي وتصير عاقل وموزون=ولا توكل وأعتبر حبنا مات
قد قلتلك يازين في منك مليون=ولاتوقف الدنيا عليك أنت بالذات

لقايلها