[youtube]https://




لاهنت يابال الرطب لوخان بك عذق النخيل
ماخان بك بس الدهر خلا عذوقه خاويه
تهوي من اعلا قمتك لكن حشا منت بذليل
لأنك الوحيد اللي عكس معنى السقوط بهاويه
شف كيف تحيا من عقب شبه المستحيل
تاقف ويعلاك السمو من تحت شمسٍ كاويه
تدري أحسدك يانخل ياليت لي قلبٍ بديل
يدرك معاني وقفتك ويعن روحٍ ذاويه
كم لي وانا اشوفك ولا حصلت للشوفه حصيل
لني بشر خلقه ضعيف وكل همن لاويه
الله واكبر كم نكرت الغدر وبيدي دليل
كانت عيوني من الغلا عميا ولاهي قاويه
تنظر جروحي وتجتنب همن على صدري ثقيل
زردٍ عليها هالزمن مدري وش اللي ناويه
شفني وصلت لخطوه تعدت منهى الف ميل
واليوم ماعدت تهم كل الطرق متساويه
طاح الكثير من الغلا ولابقى حتى القليل
من صارت راوية هالليل ماهي راويه