قالوا...العيد عيدين....!!!


العيد عيد الناس عيد القرايب..!!
الا الحبايب بالأصل مالهم عيد..؟

تزييف واضح للفرح والغرايب
ان الفرح مايحسب الا بتحديد

بوجه العموم الناس ماهي حسايب
في حسبةٍ للعيد فرحه وتمجيد

في ظلم صارخ يازمان العجايب
عايشت امسي بين فرقا وتواجيد

من أمس ماشفته ولاني بطايب
ومن امس واشواقي لها غلٍ وقيد

اعد صداتي وأعاين واعايب
في كل لحظه يخيب تشبيهه الغيد

ياوجد قلبي وجد من للنهايب
روح زمانه بحب لايمكن يعيد



الصياد