خلونا نصورها بدال ما نرفع ونطبل لوزارة الصحه والتجاره والتأمينات
واللي يقولون انا بخير وبامن وأمان ولا أحد فاهم الأمن والأمان بالشكل الصحيح
مرحبا بك وبعلمك .
التعميم يحتاج الى بعض الدقة .
لأن وزارة الصحة نفت ذلك وقالت المواطن لا يتحمل شيء .
( ان صدق الخبر من صحيفة سبق ) .
اما الامن فنعم نحن ولله الحمد في امن وامان وطاعة رحمن ولا يعني الفقر عدم الامن ولو كان كذلك ما كان على بيوت أصحاب الأموال والسلطة والجاه عشرات الحراس خوفا على حياتهم وفقدانهم للامن الصحيح .
والفقير ينام على ما قسمه الله له وهو لا يخاف شيء .
مفهوم الامن كما بينه نبينا عليه افضل الصلاة والسلام .
قال:
( من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا ) .
حسنه الألباني في السلسلة وصحيح الجامع الصغير.
هذا مفهوم الامن والأمان .
مواطن يعد واحد من شريحه عريضه في مجتمعنا...وحيد ابوه اللي مات واللي ورث له خمسين الف ريال وراح تبرع بها على اسم ابوه ببناء مسجد في موزمبيق وحفر بير في صدقه في تنزانيا
حاصل على الثانوي...ماقدر يكمل جامعه وش بقى أصلاً معه
راح للجيش ماقبله الجيش ولا الأمن ولا حتى امن المنشآت ماعنده واسطات
علاقاته لك عليها.....!!! مهو عاطل ومتهم بالدشره وموصوم بالدلع وعدم المسؤليه
عانى من البطاله تأثر بمقولة الدلع حق الشيخ صالح توظف حارس امن وتزوج دين
من هيئة التزويج والمهر قسط بعدين والمنتظم ننزل له ميتين
راتبه ثلاثة الاف اقتطعوا منه كم مية ريال حق التأمينات
صار راتبه ثلاثة الاف كامله قدام هيئة السعوده ومكتب العمل
وثلاثة الاف الا.... قدام اصحابه وزملائه بالعمل
ياوجع الــ ألا اللي راحت من راتبه بعينه وياتفاهتها بعينهم بس مايدرون هو وينه هو ووينهم
والف وشوي بعد ما طلع من مكتب العقار اللي يطالبه باالإيجار
وصل البيت ومعه الشوي من راتبه اللي كان فوق الألف
لأنه مر الماركت على طريقه البيت فاضي من اسبوع قبل الراتب
لا تنسوا عليه دين التزويج وتخفيض الإنتظام ميتين الميتين تسوا لمثل حالاته
ويعرفون زين انها تسوا شي كثير بالنسبه له ولمثل حالاته
اشترى سياره وكلفته عشره الاف
وتكلفة نقلها وتامينها وفحصها عشرة الاف ثانيه
يالله حل مشكله والله يعينه على المشكله الثانيه
طبعاً ماقدر يأمنها ولا أصلاً يقدر ينقلها .... !!
صعبه يسرق وهو حارس أمن على خزانة بنك وأكبر بنك فروعه عالميه
هولو يسويها يهز التجاره العالميه...!!!
تعاطف معاه اللي باعه اياها وأعطاه السياره على شرط يرفع الفائده من عشرة الاف الي خمسطعش وشوي
ويتحمل كل القسايم اللي تجي عليها
لو انه انتظر ليما يامنها ماقدر يجمع حق التأمين ونقل الملكيه
وقيمة قسيمة ساهر اللي صوره غدر من الخلف بنص الليل وقت ماكان يودي ركاب ويشتغل بعد الدوام
صعبه بدون سياره لان دوامه بيصير مشاوير وبيصير حسميات وتأخير
لو تأخر بينتهي الدلع الكثير...ووش يصير لو مرضت زوجته وماصارت بخير...
راح يداوم بأول يوم بعد راتب أول شهر ولو حسبناها لقيناه يداوم بالدين من اول يوم عمل
وفي الطريق دق عليه مديره المباشر وانشغل بمصدر رزقه عن السياره وسوا حادث مع واحد فقير
الفقير مأمن سيارته
نتج عن الحادث كسر برجلين الحارس الثنتين ويهون وهالمره يهون كسره مهو دايم عايش على الكسور براتبه وايجاره واقساطه وسيارته وحياته
واكيد يهون قدام كسر بأصبع المتضرر الصغيره ونزيف داخلي وكسر المتضرر قالت وزارة الصحه والله مايهون
لأنه تأثر بمقولة الدلع رد على جواله ولآنه رد سوا حادث ولأانه بالأساس قضاء وقدر قال الحمدلله
وزارة الصحه تطالبه بمعالجة المتضررين قال الحمدلله قالوا وين نصرف الحمدلله
وبنك التسليف يطالبه بقسط التزويج قال الحمدلله قالوا وين نصرف الحمدلله
وصاحب السياره يطالبه بقسط السياره اللي سوا فيها حادث ومايقدر يصلحها
شركة التأمين تطالبه بحق التلفيات اللي أحدثها بسيارة المتضرر
ووزارة المواصلات تطالبه بتلف طوبة الرصيف
وقالوا له الظاهر البلديه راح تطالبه بعد ما تشوف أضرار الحديقه اللي بجوار مكان الحادث
والحمدلله....هو بقى فيها امن وامان...؟؟؟؟
اما السؤال :
هل هو اجحاف ام انصاف ؟
فكثير من الإجراءات التي تتخذ فيها اجحاف وهذا من ضمنها ان صح خبره .
وقبله موضوع التأمين الذي يخالف الشرع تماما لما فيه من اجحاف على المواطن وعلى الشركات التي افلست اكثرها ونهبها الأجانب بذكائهم وحيلهم الواضحة .
وغيرها وغيرها ولكنها تعتبر إجراءات بشر وهم معرضون لأن يصيبوا ويخطئوا .
واعود لما ختمت به مقالك هل بقى فيها امن وامان ؟
فاقول :
دامك ايه الانسان تنام قرير العين وتجوبها من شرقها الى غربها ومن جنوبها الى شمالها دون ان تخاف الا من الله آمن على نفسك وعلى اهلك وعلى دارك .
فنعم نحن في امن وامان ولا عمر المال ولا العلاج ولا غيرها جلبت الامن .
فكم من فقير في امن وامان وكم ومن غني في رعب وهلع .