على ويش يا دنيا العناء والأسى والتيه
********************** **** ** أجاهد ظروف كلها تتعب أعصابي
وحكم القدر ماضي ودرب الأجل نمضيه
********************** ** *** وباقي نصيبي والعمر داخل كتابي
تعبنا وشيبنا ودور القدر نحصيه
***************************** ** ولكن ما ندري متى تبرك ركابي
عليك العوض يا ربنا والبقايا فيه
************************* ** عساها تساعدني على ناتج حسابي
على مسلك الماضي مجال الزمن نخفيه
******************* **** ونضحك على أطلاله ومضمونه الغابي
ولو ما حسبت حساب للمحتوى وأعطيه
************************ **** وأداريه من حيث النهايه على بابي
تلاشت حياتي وانتهى اللي تعبت أرجيه
*********************** ** وراحوا محازيم الظهر وأقفوا أحبابي
ولو ان العقل يسبق تجاوز عن التشويه
**************************** ** ولكن هوانا يسبقه والهدف خابي
ولو كان راعي العلم يتقبل التنويه
**************************** تراجع عن السلبي وبادر بالإيجابي
وانا اقول يا دنيا العناء والأسى والتيه
************************ تلاشي عن عيوني فأنا تعبت أعصابي

**************************** غرمان بن عزيز