ماقلت احبك .. المحبه مواصيل
وماقلت روحي.. اتركيني بحالي

لاتدخلي شك ومتاهات للويل
لا تدخلي قصة جنون وهبالي

ابيك رفقة عمر عدل مع ميل
وابيك صحبة قلب للقلب والي

لليل قمرا والفوارس لها خيل
ولليل ساري واللقا الليل تالي

ان قلت شوفك جنتي والتعاليل
وان قلتـها لك سايريني وتعالي

مابيك نزوة وقت وبعده بهاذيل
ومابيك وقتٍ فيه حين الزوالي

احبك اوضح من صباحٍ جلا ليل
واحبك اصفى من قراحٍ زلالي