يا علي شف لي من بختكم بخت لي = بالشعر ولاّ غيرها ياعسى أفداك
يا كثر ما جادت عليّ ... أو صخت لي = حلو المعاني بين هذا وهذاك
تجاوزت كلّ المدى وانتخت لي = ومن فعلها طيّرتها بين الافلاك
أعتى البيوت القاسيات أرتخت لي = وهاضت عليّ أبكار الافكار دنياك
دوّختها يوم أنّها دوّخت لي = فكري وصارت لي شرابيك واشباك
كلّ القوافي يا علي نوّخت لي = لكنّها تاقف أذا جبت طرياك

يا شاعر(ن) ما يختل البيت ختلي = مادري تحدّى القاف ولاّ تحدّاك
شمس الضحى من نورها استنسخت لي = أبيات مبناها على نفس مبناك
ذابت جليد القافية وارضخت لي = وجاك الجواب اللّي يقبّل محيّاك
ما ورّخت لك شهرتك ورخّت لي = لا شكّ طيب الظنّ من طيب مرباك
ليت البواخر والتخت واليخت لي = وابحر بها عبر المحيطات ويّاك
واعاند ايّام(ن) قست واصرخت لي = تنكّرت عقب الغلا .... لا عدمناك