هلا والله المسكت ...


الله يسعدك ويوفقك ...


ماشاء الله عليك دخلت في موضوعك عدة نقاط ...


ومنها الاتصالات ... والتجمهر عند المشاكل على الفاضي ... والماء واللي هي محور موضوعك ...

والله انك ذكرتني بالوالد الله يحفظه من ناحية الإسراف في الماء ...

قد جلدني مره لين قلت امين ...
قال لي اسق الزرع اللي في الحوش ...
واخذ لي المويه ...
واسقيت الزرع والجدران والبيت كله واظني رشيت بيت جارنا ...
حتى النحل ما سلموا مني ...
والبساس الاحقهم في الحوش باللي ..

والله جاني دبغ ما انساه وعاد اموت ...

قلت له ليش وش سويت يومنك تضربني...

قال المويه يامريض .... ايش جاك يا مريض ...ليه الاسراف والتبذير ....

قلت انها ببلاش على حساب القاعده ...<<=== في هذه اللحظه ارتفع ضغطه مليون ((ابويه ))وبغى ياكلني ...

انقهر من كلامي ...يقول يعني عشانها ببلاش ... تبذر وتسرف فيها ...

واعطاني درس توعوي مع دبغ على الكيف ...

والله كلام حلو ... لكن وين اللي يسمع ...ووين اللي ينتصح ...

عندك مغاسل السيارات ... الله الله من شيء يسوونه ...

المغسله الوحده شوف كم طن في اليوم ...

عند بعض محلات الدجاج ... يسرفون في المويه اسراف غير طبيعي ...

عندك العمال ... والسواقين ...شفهم يوم يغسلون السيارات ...والأحواش ...

عندك العماير ...يجيك راعي العماره يقول للعامل رش الجدران ...

ويخلص وايتين مويه عليها ...

تقول ان المويه هذي ما تخلص ...

ياخي في مصر اللي عندهم النيل ما سووها ...as)

والله اتمنى ويا ليت لو كل واحد يتفكر في كلامك يالمسكت ...

يعني لو انقطعت المويه لمدة يوم واحد فقط ....

والله مشكله كبيره ...ويتحسف على كل قطرة راحت على الفاضي ...

والرسول عليه الصلاة والسلام ...
أمرنا بعدم الإسراف حيث قال في حديثه أو فيما معنى الحديث ..
((( لا تسرف ولو كنت على نهرٍ جاري )))) صدق الرسول الكريم ...

أما من ناحية الاتصالات بصراحه انك صدقت ...

ما يمديك تقرا رسالتهم حدك الإئتماني على وشك الإنتهاء إلا والخط مفصول ...

وعادي ياخي هم أحرار ... غصب عنا نسددهم ...

بس انهم طيبين واسلوبهم حلوو ... as)

واما من ناحية التجمهر ... والله انك صادق ..

خاصه عند الحوادث ... يوقف لك مليون واحد ... عشان يطالعون في الحادث ...

والاسعاف يبغى يخش ... ما يمديه يوصل إلا الآدمي قد مات ...

والمتجمهرين هذولا قد سببوا حوادث على كيفك ...

وترا التجمهر هذا مو عندنا بس ...أثره فيروس في العالم العربي كله خخخخخ ...

على كل حال ... أتمنى من الجميع أخذ كلامك بعين الاعتبار ...

والتفكر في المشاكل المترتبه في التبذير في المياه ...

واعذرني على الرد المشتت ... لأني أرد عليك وأنا مستعجل ...as) <<== وش عنده الوليد بن طلال as)

لا حرمناك يالغالي ولا حرمنا تواجدك الكريم ...

تقبل خالص التحيه ...

والسلام عليكم ...

حكم تعدد العضويات .. موضوع هام جداً أرجو زيارته ..!!