سواليف السحاب
ياسهرة الليل الحزين لاتغني
واتركي صمت الهوى للاحباب
صحيح السحاب سولف لك عني
ولا المطر م الغيم حامل سراب
شفت النجوم تشكي القمر مني
واشوف القمر ناظر نظرة عتاب
لا يا قمر فى الهوى لا تمتحني
ظن النجوم فى السحاب خاب
ماني اللي يبيع كنينه وكني
لا زرت الهوى وكتبت فيه كتاب
آه يا سواليف الجفا والتجني
الحنا تحكي العنا وتشرح أسباب
بوح القصيد في ليل التمني
حبره من كثر الدموع داب
يا سواليف السحاب اللي فتني
ليل الهوى مزنك رواه وطاب
ياسر إبراهيم
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
|