لو فرضنا


لو فرضنا كنت أنا البادي بخطاي
وأعترف بذنبي كله وغلطتي
أعذريني وأسمعي صوتي ونداي
بتعذر لك وأعاند عزتي
من بعدتي وأنا في همي وشقاي
ضيّعت درب السعادة .. خطوتي

إن رضيتي أشرقت شمس بسماي
وإن زعلتي فيني ضاقت دنيتي
فوقج الله .. لا تزيدين بعناي
لاترديني وقدري عنوتي

مايضرك يا شقى قلبي وهناي
لو سمحتي لي أوضح كلمتي
أعتذاري كان إثبات لهواي
ولاتخليني أعيش بحسرتي

كلمات: أحمد الشرقاوي

سامحوني .. إن رحلت .. يوماً .. دون موعد