حروفي
هذا أنا وهذه حروفي وقصيدي
من نبض إحساسي وأنا شاعرها
فكر من راسي وحرف من وريدي
وقصيدي ثمره بإيدي بادرها
كل حرف يزود في الشوق رصيدي
وكل بيت يكتب لحياتي مقادرها
ياوحي الهوى كم جالك بريدي
وكم رساله من خفوقي أصادرها
وكل يوم أقول بكره أكيد عيدي
وييجي بكره ودموع عيني أحدرها
آه يا زفرة الشوق ليه تعيدي
ذكرى الغرام من أول بوادرها
كن القصيد هو عناي ومواعيدي
وكني حروف عشق جفت محابرها
من جرح الزمن بانت تجاعيدي
وحروفي تدور أول مشاعرها
ياسر إبراهيم
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
|