السلام عليكم ورحمة الله وبركاته
مرحباً بك ايها الطائر الذهبي
ومرحباً بالجود
اهلا بكم في قافلة الشعر والحكمه
جربت واستغربت ماشفته اليـوم = ومن جرب الايام منهـا استفـادي
لقيت ناس ٍ همها السـب واللـوم =وإلهم على اعراض الاوادم معادي
ناس ٍ لهم شذب العراقيب مرسوم = وإلهم على الغايب صباح وهجادي
يجيك كنه حاكـم ٍ دولـة الـروم = هـذّار نثّـار لكثـر الــدوادي
لو ماينال من الشرف حبة الثـوم = بإذاعته يسبـق مذيـع الـروادي
لأحتاج عندك جاك بأفكار وعلـوم = ويسرلك الدنيا ليـا جـاك بـادي
وإليا بدت حاجتك عنك ابعد الحوم = نار ٍ ياخو (ريان) تصبح رمـادي
الشاعر / فهد الخالدي