خليتني ما بين ياسك ورجواك


يا زين خذ روحي وحطها بيمناك
واللي تبي فيني يا صاحبي سـوه

يفداك عمرن راح والجاي يفداك
يا أمل خفوقي ونوره وضـــــوه

جيتك أبي نورك حصلت ظلمــاك
وخدي من دموع المحاجر تكوه

ما صدقت إني في دنيتي القاك
وشلون يطري لك بسرك اتفوه

يا متلفن روحي علمني وش جاك
ترفق بروحي ما عاد بي مــــروة

خليتني ما بين ياسك ورجواك
وحاربتني حرب العدو لعــدوه

انتي قمر ضاوي من بين الأفلاك
خمسة عشر عمره اصغيرن توه

سبحان ربن خالقك كيف سواك
دخلت في قلبي وسكنت بالقوة

وغير البعد عنك وهجرك وفرقاك
اللي تبي فيني يا صاحبي ســــوه

الشاعر / حسين بن فرحان العنزي

سامحوني .. إن رحلت .. يوماً .. دون موعد