ما كل غالي وفّي

ماكل غالي وفّي ولا كل غايب يخون
ولاكل من واصله غاليه قد الغلا

ساعات لاجل الغلا تقول زله تهون
وساعات من زلت الغالي تحوس الملا

وعيون تدمع فرح وعيون تبكي عيون
وعيون من صدت المقفين زادت حلا

ومشتاق قاسي على الصده بطبعه مهون
ومشتاق باله عن الغالين ماقد سلا

لا تامن الحاقد ولا تلتفت للظنون
واحرص على طلقت حجاجك وكلمة هلا

مجنون يازن بلد وعاقل بفكره جنون
يمحاك ياوقتٍ اليا زنت مالك ولا

وماكل منهو عرفته يارفيقي يمون
بعض الميانه لياجات الصراحه بلا

الشاعر / عبدالله داود العصيمي

سامحوني .. إن رحلت .. يوماً .. دون موعد