ساعة بعد ساعة ويوم بعد يوم=حين بعد حين وليل بعد ليل
رقدة عقب قعدة وقعدة عقب نوم=وراحة عقب شدة وشدة عقب ويل
عالم بعد عالم وقوم بعد قوم=وناس بعد ناس وجيل بعد جيل
لو عشت في دنيا الورى دايم الدوم=حبك بقلبي ناصبله تماثيل
لاقدام تعبت يالغضي والله علوم=لاجيت بامشي ياردة كنها ميل
خايف تصيبك دعوة انسان مظلوم=دعا عليك ابها مع تالي الليل
عيشي غدى حسرات وامرار واهموم=واحرقت نفسي بالكتابة والتساجيل