ياللي تعيب الخلايق وانت كلك عيوب
****************** ناظر لروحك وخل الناس في حالها
لا ترمي الكلمه اللي ما عليها وجوب
*************** حافظ على موقفك وأحذر من إرسالها
وترى النميمه تصنف من كبار الذنوب
***************** ** من يوم تظهر تغير وضع من قالها
والناس ما هم سوى من كل حدب وصوب
***************** ***** ** كل وله ميزه وعاده ومنشأ* لها
احد يشيل الجميل ولا يسجل هروب
******************* واحد يخاشر جميع الناس في مالها
واحد على كبر سنه ما يدل الدروب
**************** يمشي بعكس الدروب اللي خسر فالها
وأحد شرى تذكره لكن ما له ركوب
********************* في طائره كل من فيها من ابطالها
واحد درس في الحياه وكان حظه رسوب
********************* ما فاد غيره ونفسه مطلق حبالها
واحد كسب له رجال ومسكنه في القلوب
****************** من طيب راسه تجيه الناس بجلالها
واحد بوسط المجالس طول عمره لغوب
******************* ويحدث الناس ويصادق على اقوالها
واللي يقول اني افضل واحد في ..........
********************** قولوا له انه على ما قيل تمثالها
لا يأمن الكلمه اللي تاليتها النشوب
*********************** ولا يبدل حقايق ناس يرثى لها

********************** غرمان بن عزيز