مش كفايه
مش كفايه لما احكى
فى غرامك مليون حكايه
مش كفايه لما ابتدى
بحرفك كلامى وانهى بحبك هوايه
وامشي ليل الوحده وحدى
وشارعى فاضى من الرصيف
يا قلب دافى فى عز بردى
لو قلبي جاع انتى الرغيف
الحب عيد والهوى معاكى بعيد
والاكيد انك لقلبى عيدو الاكيد
مش هغيب
رغم المسافه والاماكن مش هغيب
الحب دعوه وسط ليل شمسه تغيب
ونهارى ليل وويلى ويل
والعليل انا وانتى دوايه
ومش كفايه
ماهو صعب نجمه
يغطى نورها نور القمر
وصعب اعيش يام بسمه
دوبت قلبي الحجر
غيرك مليش
قلب تانى اسكنه
لو الف قلب
فى عز حرب
للجسم جم واستوطنو
ومش كفايه
الحب حاله من الانسجام
قلب صادف قلب واقف باحترام
سلم عليه بنظره قالت كل الكلام
الحب ليه كلام يقوله قلبي اللى هام
ياغرام دوبت قبل القلب روحى
البعد عنك موت بيشرب من جروحى
ومش هقول يا عينى نوحى
ومش هقول تانى كفايه
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
|