فتور
اصبحت الدنيا
فى غيابك فتور
والشوق يمزق
فى الاضلاع ويجور
والدمع زود ملح البحور
واتهد فى ركن قلبى
الف سور
الغياب
الغياب زود
فى قلبى العتاب
والاهل بعدك
كلهم اغراب
حتى الصحاب
ما بقوا صحاب
ياغايب ومزود
فى قلبى العذاب
الاماكن
الاماكن كلها
نبض ساكن
الحياة عادى
وماشيه ولكن
من غير وجودك
تاهت وعودى ووعودك
والحياة بقى
لونها داكن
السؤال
فى البعد قلبى
يسأل مليون سؤال
بين غيابك ورجوعك
كل شىء ممكن
كل شىء محال
حتى السكوت
اتكلم وقال
فى بعادك افتكر
بينا الوصال
علامة استفهام؟
مبقتش عارف
راح فين الكلام
القلب شايف
نبض ينزف بالغرام
ايام تعدى
ولا جانى منك سلام
يادم يسرى
فى عروقى
ياشمس طالعه
من شروقى
القمر طول غيابه
والله حرام
ياسر إبراهيم
|