إرهاب الإرهاب ولى وأنتهى دوره




دار السعودي عن الأشرار مصيونه
ما مثلها في جميع الكون مشــهوره

في خدها الله عمر بيته على أركونه
تبقا بها قبلة الإســلام معمــــــــوره

الـدين منـها وفيـها كاحـل نـــــــونه
وشـعارها رايـة التـوحيـد منشــوره

تبـقالنا بالـوفـاء مهـيب مهيـــــــونه
أرواحنا دونها ترخَـص ومنصــوره

عنـها ومنـها حـدينـا شـر صـهيـونه
وإرهاب الإرهاب ولى وانتهى دوره

ما عاد له شجرة بالسوس مسكونه
دسنا على شجرته وإن بتتْ جذوره

بالعـزم والحسـم قفـى لا تحســبونه
مادام وال الأمر سلمان أخو نـوره

الحـاكـم العـادل العـدوان يخشــونه
بالفعـل والـراي ليث طالـت شبوره

وأيضا محمد ولي عهده ومآ مونه
وقـت المهمـات ربـي يسـر أمــوره

أمن الوطن حافظه عن من يعادونه
ناس بها حقـد والأفكـارمـدمـــــوره

واللـي معـه سـاعده حـر تعـرفــونه
ولـي ولـي العهـد فانجازه أسـطوره

وزيـرنا فـي الدفـاع محمـد بعــــونه
ماهاب درب الخطر مقباس ديجوره

قاد التحالف على من خابت أضنونه
الحـوثي اللـي وراه ضحيـة الثــوره

مخلوع من منصبه ما عاد يبغـــونه
شعب اليمن حافظ دينه ودســــتوره

واليـوم زاد التحالف وأتسـع شـونه
وأيضـاً وزير الدفـاع محمـد بشوره

هـو قايـده والأمـر صـادر وتقــرونه
في العالم آله صدى بالصوت والصوره

بالأسم مشـهور والعنـوان مضمونه
أسـلامي وعسـكري وإعداه مثبـوره

يضـد ويصـد كـل إرهـاب وبطــــونه
اللـي بـه النـشء والجهـال مغّـدوره

بأفكار سـئيه من الشيطان مشـحونه
الله يحفـظ الوطـن ويعـز أخـو نـوره

الشاعر/ مشعل العصيمي

سامحوني .. إن رحلت .. يوماً .. دون موعد