يا قلب ما اكبر خطاك وما أكثر ذنوبك
في كل منحى توردني على الصالي
ما لك صديق ولا ناسبني اسلوبك
تعبت وانا مداري وضعك الحالي
تعذرب قلوب وانت يبين عذروبك
واذا نهيناك ترسل صوتك العالي
صوت يجي من بعيد وصوت من صوبك
قوة صداها يشوش موجة إرسالي
ما ادري على ويش ترسل صبح مندوبك
ما تدري اني رقدت البارح لحالي
من جورك أسج وانسى كل ملعوبك
لكني ارجع وأراجع قول عذالي
لولاك كان الغضي حبي ومحبوبك
ولولاك كان الضمير المنشغل سالي
طاوعت غيك وضعت وضاع مطلوبك
واصبحت ادور على مطلوبي الغالي
عساني القاه ملقى داخل جنوبك
ولا عسى موقعه موجود ما زالي
وان كان ولى تراني ما اغفر ذنوبك
لزوم اوردك بالقوه على الصالي

غرمان بن عزيز