هذه من أروع القصائد التي قرأتها ورغبت نقلها لكم وان شاء الله تعجبكم

يا بنت أرجوك أنا ما أقدر كفاني ماضـي الغلطـات=
وأخـاف بساعـة اللـذة يجينـا هــادم الـلـذات=
أنا ليّه ثمان اسنيـن وأنـا مدمـن علـى الشهـوات=
عيوني مـن كبـر همـي تخلـط الـدم والعبـرات=
صحيح إنك جميله بس تبنـا مـن هـوى الزينـات=
يابنت أنتي على بالـك أبأخـذ مـن بنـات الشـات=
ترى أكبر شيء يربطني مِعك جـوال ابـو شاشـات=
وترى كل العلـوم اللـي عطيتـك بالهـوى كذبـات=
هـذاك اليـوم ماهلـت عيونـي لجلـك الدمـعـات=
أنا أضحك مِعك واضحك منك وعليك أكثّر الضحكات=
وأنا مانـي بخكـري يلبـس القمصـان والشرتـات=
أنا مـن لابـةٍ أروت ضمايـا سيوفهـا الغـزوات=
ودهنتي شعـرك الاسـود بألـوانٍ مـن الصبغـات=
وحشرتـي ردفـك المسكيـن بالبنطـال والجنـزات=
ورب الكون مأرضى فيك لو إنك شيخـة الحلـوات=
يابنت الناس عـزك فـي سـوادٍ يستـر العـورات=
سعودييـن نفخـر فــي عبـايـات السعـوديـات=