احس السجن في ذاتي احسه يسكـن الوجـدان =واحس القيد لي طفل(ن) تربـى فـي شرايينـي
ابي اعبر حدود السجن واطلع من يد السجـان =ابي شمس(ن) علي تشرق ولو بالكـذب تدفينـي
ابي المس بقايا حلم تطايـر بالفضـا شفقـان =تثيرة غبـرة الماضـي ويجـي جنبـي يبكينـي
رجيتك يالظلام اللي اسرنـي والزمـن غلطـان =واشوف النـور مصبـاح(ن) واظنـه مايكفينـي
ابي يصحى جسد ميت دفن روحه ورى القضبان =تكفن بالهمـوم اللـي علـى الجنبيـن تكوينـي
حبيبي ليه تبعدني عن عيون البشـر غيـران =وانا من بين كل الخلق غيرك مـا ملـى عينـي
ابي اكسر..وابي اكسر..قيود وسجن مع بيبـان =اما احيا ويحيـا الحلـم والا المـوت يرضينـي
احسك ياسجن ذاتي واحسك تسكـن الوجـدان =واحس القيد هو..دمي وبـدا يمشـي بشرايينـي