سكوت حرف الشعر بغيابه تفاصيله ذهول
يدري بما في خاطري وان نفس مثلي طايبة

ياشعر لاتقسا علي وأسرار غاياتك تقول
ان الكلام انواع وان فيض المشاعر هايبه

وان الفراق يضيم بأوجاعه مناعير الزحول
وان صدر ......... تحمّل ضيمه ولهايبه

ياشعر وجهي يكتسيه الحزن وبجسمي نحول
لأن المواعيد الجميلة في غيابه غايبة

ياشعر غصن الطيب من فرقاه خاواه الذبول
ودموع عين العشق من نار المفارق ذايبة

تحت الضلوع العوج منزاله ونبضي له رسول
يسوق في طاريه جزلات الحروف التايبة

فيه المعاني غير ماترضى عن العلياء نزول
حُبّه قبرته داخلي وأزريت عن نصايبه

خيال طيفه مايفارقني وله عندي قبول
والكلمة اللي من شفاهه ياعذولي صايبة

يوم الاحد قفّت مراكيبه ولاعندي حلول
الاّ شذا عطره لما هبّت علي هبايبه