خذني على قد عقلي وادمح الزله
************* واذكر محاسن قديمه كنت اسويها
ولا تواخذ عليل ما شفى غله
**************** ** انهت طموحاته الدنيا وسافيها
بعثر رصيده على الكشتات والفله
**************** وارضى نفوس على باله يسليها
واليوم صارت عظامه شبه منحله
**************** * الأربطه والمفاصل رايحه فيها
والعمر خمسين عام وأنقضى جله
**************** ولا قنع من الحياه ومن بلاويها
لا صار يبغى التجدد صابته عله
***************** *** يطيح ويقوم ولسانه يلويها
صحيح قلبه خضر لكن وش حله
*************** *** لا ثارت البندقيه حول راميها
والقوه اللي من اول صابها خله
*************** قلت وبان الخلل بأقصى محانيها
أقفى به الوقت والمنهل ظهر قله
************** والخوف لا ينشف المصدر وينهيها
وتضيع هيبة أسد ويصير في ذله
************* ما عاد يقوى على اللطمه وراعيها
ويطيح بين الزعول وفاقد المله
************* **** ويردها في النهايه عند واليها
والخاتمه يا صديقي ادمح الزله
************* والله ورب السماء ما عاد اسويها

**************** غرمان بن عزيز