أنا لولا ترى ظروفك ما جيت أطلب توادعني =لأنك عارف قدرك وعارف كل ما فيني
ترى ما هي سهله إذا شفتك تلوعني =أحس الموت بأكفانه تصور قام يطويني
أنا من يوم فارقتك وكن الهم يتبعني=يراقبنب كما ظلالي ولا ناوي يخليني
تخيل من تفارقنا أحس القلب يقنعني=يقول القلب لي تكفى ترى شوفه يكفيني
إذا قلبي على الفرقا يعاندني ويمنعني=أجل وش بقى فيني إذا قلبي ينعيني
إذا كل عرقن بقلبي على لقياك يدفعني=أجل بقسى على قلب من الفرقا بينهيني
ذبحني حظي العاثر ولا مره يطاوعني=إذا حظي وهو حظي بشره دوم باليني
وربي الكون من بعدك ترى ما عاد يا سعني=تطيح الدنيا من عيني ولا يملى أحد عيني
أنا خايفه إذا وصلتك تصد ما كن تسمعني=تصدعني ولا تهتم ولا أدري من يداويني
وأنا بصبر على رجوى بك الأيام تجمعني =أخاف أصبر يجي يومي عقب ما عاد يمديني
أنا عارفه عقب موتي ترى ما عاد تنفعني =ولكن بس أبي منك تذكر أجمل سنيني