ياللي تقول القصائد وقعها ما يضر = لا والله إلاّ صداها مثل حد السيوف
والمشكله يوم ترسل من مكان خطر = إما من الشيخ ولا من كبار الضيوف
وقعاتها من مساحة غش تحرق صدر = وأسبابها من تعامل مقدمين الصفوف
مع ساير الناس صعب ان تقول أنتظر = واللي قريب مصيب لازم إنه يشوف
تعامل الناس ماهو درب سهل الممر = وقلوب الأصحاب ما تقبل عليها جحوف
سعادة الروح تحكمها ظروف القدر = وآمالنا ما تجينا حسب نوع الظروف
أجامل الناس وأحاول أزيح الكدر = لكن بعض الأوادم جل طبعه عزوف
ما أدري طريقه وعّر ولا هو المنحدر = ولا تعب من مراقبة العرب والوقوف
وأنا أنصحك يارسول العلم لا تختصر = هاك الرساله بلا عنوان وبلا ظروف
وأرجوك وصّل مداها للبدو والحضر = وأطبع نسخ للمناطق والعمد والقيوف
ولا يهمك كلام فلان لو هو هدر = تراه يدري عن أنواع الكتب والرفوف
وإن كان جاحد وفي علمه عنيد ومصّر = خله يداوم مع ناس عليها وصوف
اللي لهم فيه منسوب ولا له عذر = لا صار خاله من اللي يضربون الدفوف