سألتك يازمن جاوب على اللي حيّر الجفنين=ليه الحب صار لعبة صعب الانسان يجاريها
عجايب هالزمن والله يفرّق كل محبوبين=ويرحل هالغلا بلحظة تشتت قلب راعيها
وليه العاشق الصادق ينادونه بلقب مسكين=ويمشي في الهوا بكذبة تعب وهو يواسيها
أصالة وجود وطيبة أخذناها من الجدين=نسيناها في لحظة غدر، تشتت دار بانيها
اثاري الجرح مايبرى ولو مرت شهور وسنين=ويبقى في صدى ذكرى تهيم فـ روح راعيها
على صوت الفجر نامت وذاب من الصبر حنين=وعيّا فـ روحها نبض(ن) ودمعة هي تخاويها
على صوت الدمع اللي يداوي جروحها ويعين=صحيت وف داخلي طفلة تبكي ومحد يداويها
اذا مات الصبر في وريد البوح بالسكين=وشكيت فـ داخلي وحدة يذوب الحرف باياديها
وقتها بس بكتشف انه السهر راح عن هالعين=وبهجر دمعة الايام وبخاصمها وبعاديها
ولكني على طاري الدموع الساكنة الجفنين=ابسكب قصيدة من دمعي وبواسيها وبجاريها