الله من ليل(ن) سهرته لحالي = يوم السما غيمه يغطّي نجومه
نامت عيون اللّي من الهمّ خالي = ماهو بمثلي يحترق في همومه
همّ(ن) يهدّم نايفات الجبالي = واللّيل طوّل وازعجتني حلومه
أي والله امشي خايف(ن) من خيالي = كني مشرّد يطلبونه خصومه
ما يسهر ألاّ من فقد شوف غالي = يرعى خياله طول ليله ويومه
أثّر عليّ يــ ( ابوي ) سهر الليالي = والمبتلي غلطان ياللّي تلومه
فضّلت عيشي في الخلا وانعزالي = مجنون ليلى شقّ قبلي هدومه
لانّه تنكّر واحسب انّه صفالي = ماعاد ( راسلني ) ولا جت علومه

،
،
،
،
،