ياقلب كانك فاقد لك حبيبه
...............وش عاد انا اللي فاقد لي حبايب

راحوا.. وخلوني ولاهي غريبة
................في ها الزمان الممتلي بالغرايب

لكن بعض ها الناس بعده مصيبة
................اشد فرقا الاهل والقرايب

شخص هويته دون شك وريبة
..............علمني شلون اتحدى الصعايب

طيب البشر.. لوهويقارن بطيبة
............يفرق مثل فرقا الثرى للسحايب

هذاك هو طب الجروح العطيبة
................لقيت انا فيه العجب والعجايب

لكن خذاه الوقت مني غصيبه
...............اقفى وانا بعده عن الكون غايب

راح وتركني للظروف العصيبه
...............جسمي طواه الهم والراس شايب

من عقبه الدنيا بعيني كئيبة
...............لا الحظ زاين لي ولاالنوم طايب

عرفت ليش دموع عيني سكيبة
..............وعرفت ليش اقول الحب تايب

أخذت عبرة من ليالي عصيبة
.................ومن الظروف القاسية مصيبة

ومامرني في طول عمري مصيبة
.................اشدمن قسوة وفرقا الحبايب