]الف الفت المعاني والفكور =والتهمت الوقت وعلوم ٍ تدور
خل بعض الناس قلبه في فكور =لم يلاعب في الهوى للاعبون
الباء بدى في خاطري فكر جديد =كان قلبي قبله اقسى من الحديد
ثم هب لصاحبي هب ٍ وجود =مثل هب الريح في فرع الغصون
التاءتوثقنا بعهدٍ من الجليل =قالت اني مااتخذ غيرك خليل
مانبورمعك علينا الله كفيل = وانت لايغدي معك بعض الضنون
الثاء ثلاث اسنين من عرض الزمان =كل يوم صادر منها بشان
مرة ٍخـالي وتر مـره ملان =وانفتح بابٍ من ابواب الجنان
الجيم جاهدنا على وُلف الحبيب = ياحبيب انت البلا وانت الطبيب
ياحبيبي صرت من وحبك غريب =يا حبيب العشق ياحال الزيون
الحا حكم ربي علينا واحتكم = واحتكم حبك بقلب وا حتكم
والا..كم مابين عرشه والا..كم =والا..كم غُش البوادي والودون
الخا خصال ماتـغـر بـربـنا = عـالم فيها فيـغـفر ذنـبنا
طالبينك يالطيف الطف بنا=فانت ذا تعلم وهم ما يعلمون
الدال دام الحب في قلب وزاد =واعتصم روحي بلا ماءٍ وزاد
ما مللنا منك ياشرح الفؤاد =والسنه في خاطري يوم ودون
الذال ذاب القلب من حبك وساب =مالقينا له دواءٍ في الكتاب
للدواء غيرالمحبه في التراب =وانت ذا تنفع وهم ما ينفعون
الراءربيع اول دخول الرابعه = واي لنا اربع سنه مترابعه
قالت احذر من مناني رابعه = والا تبدي للعرب بعض اللكون
الزاء زادت في الوصايا والحذر =وارسلت لي دمعها مثل المطر
قالت احبك مذا هذا القدر = والنساءعند المحبه يستحون
السين سال اهل المحبه والفعال = كيف نـغبي حبك ازمنة طوال
مابدى من الحب تحمله الجبال =قيل هند وبشر كانوا يفعلون
الشين شافت علمنا كله صواب =قالت انت اعطيتنا هذا الجواب
والله ان اموج لك موج السحاب =ينطقون الناس والا يسكتون
الصا صدوق القول خير من الكذاب =انسلب حالي على حبك وساب
كم حسبنا ثم ضيعنا الحساب = مالقينا من الحساب الا الغبون
الضاد ضفنا الله وحبك ياغلام =انسلب حالي فلا نثني الكلام
في الليالي ماتهـنـيـنا المنـام = للتهمنا فيك جال من العيون
الطا طويل العمر يحتج الحرم = ثم يستغفر لخوه اللي قدم
لايخلي خوه يدخل في الندم = (ما يعذبهم وهم يستغفرون)
الظا ظَفت معنا الهموم وبيتت =واصبحت معنا الحزون وقيلت
خاف ربك للعوافي زلفت =حبذا ان الناس مايتعارفون
العين عمي القلب واغتشي البصر =من ملاقاة المعاني والفكر
واعرف ان الحب له عندي خبر = قسمك الهيّن وتر قسمي اللعون
الغين غشيتنا المحبه كل يوم =ما نحسب للقاء بعض العلوم
ذا يقول ان المحبه ماتدوم =اثر من قد قال هذا يكذبون
الفا فرحنا بك وحبك مايزول =والله انك صادق فيم تقول
القاف قيـّسنا الى حبك غلب =غالي ٍ ما اطّلعوا فيه العرب
واطلع ربي على ذاك السبب =عالمٍ فينا وهم مايعلمون
الكاف كفلناعلى العهد الوثيق =من يخون فليس له ربي رفيق
نيتي وايليك والقلب العشيق =غير ما ودي بحبك يسمعون
اللام لم يزراني اللي لم يشوف =لم يرى زِين الخواتم بـالكفوف
وانتضر في جنبها مثل السيوف = وامل عينك من قدمها للعيون
الميم مالي بالجنان الراضيه =في ملاقاته وحن متراضيه
حبذا انا مالوقوت الماضيه =كان زاد الخير فيما يذخرون
الواو وصى بالا مانات اهلها =والامـانه خايف من نـقلها
والجبال اتعوذت من حملها =من يـبر في الا مانه مايخون
الها هنيك يالذي ماعرفها = الله اكبر مالقـيـنا وشـرها
لم يرى غير المحبه ولفها = من قساة اقلوبهم مايعلمون
اليا يخـتّم قولنا ذكر الرسول = والنبي يشفع لنا من كل هول
والف صلى الله على ذاك الرسول =عدما تنشي الغمامه بالوكون