انا ودي اسولف معك غير صدري غلْق
لي ايام يشوي خافقي لاهب الكنّة

ياراع الشفاة الراوية والقبال الطلْق
عيونك تسوق الموت وبقربك الجنّة

كفاني وصالك عن مداراة باقي الخلْق
وصالٍ ملذّاته لها الفضل والمنّة

قبل ماتعرف اسرار شعري تفضل وألْق
على أذني رقيق حروفك اللي لها خنّة

فراقك صدى صوته من العام صلب وصلْق
كما صوت نجرٍ يلفحه خارم ودنّه

عليك المشاعر سيلها من مفيضه دلْق
لها في خفوقي من عناء بعدكم حنّة