لو حسبت لقول عذالـي حسـاب=مانبت عشبٍ ولاهبّـت هبـوب
والله انّـي ماتجنّبـت الصـواب=ولاسمعت لهرجة النذْل الكـذوب
شاعرك يابنـت خبـلٍ مايهـاب=ولا يرد ولا يشـك ولا يتـوب
به جميع الأسئلـة تلقـا جـواب=من شمال الجرح للجرح الجنوب
به وقار الشيخ به طيش الشبـاب=به حلى التوبة و به مرّ الذنـوب
لاكتب تصهل مجاهيم السحـاب=ولا قرى يهتزّ له نخلٍ طـروب
لاحضر يرمى عذولـه للغيـاب=ولامشى تختال به كل الـدروب
أشْهد انّه منـك يكفيـه العتـاب=واشهد انّه فيك راضي ومغصوب
من يغصّ بلقمـةٍ يلقـا شـراب=ومن تعرّى تستره غتره وثـوب
وعاذلي لو حكى فينـي وعـاب=أنتي أعرف ..بناصح كله عيوب