ويقولون ليش المجتمع تغير



كافي تلومون الزّمان وعقرب السـاعه يدور
نفْس الشّهر نفس السنةنفْس الفصول الاربعه

اللي تغيّـر واختلف صدْق المبادي والشعور
طيبــة ملامحــنا توارت ..تحت زيف الأقنعه

صرْنا نحب المال من حب المظاهر والظهور
نرْفع مقام اللي معه ونهمّش اللي مامعه

صرْنا نشوف اكتافنا ..لأهدافنا جسْر العبور
ونبيع حتى ..لو كرامتنــا عشــــــان المنفعه

الفقر يملانا ..جزَع ... والمال يملانا غــــرور
وان مــا خدم حبـْل المودّة مصلحتنا نقـْطعه

كانت صغار بيوتنا بس السّعه وسْط الصدور
واليوم نسْكن في السـْعه بصدور مافيها سعه