انزل يادمع عيني
عشان اللي يستاهل
انزل وإملا ايديني
اللي راح مش ساهل
اللي راح مني الحنين
اللي راح مني السند
اب وام
دنيا ودين
اتنين اغلا من الولد
يا أمي وحشتيني
ووحشني ابويا وحماه
سنين منشفش دمع عيني
سنين وبصرخ آه يا حياه
يادنيا واخده
كل شيء غالي
امتي ازيح الهم من بالي
امتى افرح
وانسى جرح الفرقه تاني
وارجع لحضن امي
وانسى العذاب
امتى يسمح
التراب اخد مكاني
جنب ابويا تحت التراب
من تراب انا ابتديت
وللتراب انا فى النهايه
يارب عفوك يوم ما اشتكيت
وإجعل الجنه النهايه
مع ابويا وامي
|