من تجاربي في الحياة و خلال الاحتكاك بجميع الثقافات البدوية و الحضريه و الخكريه خلال 10 سنوات من عام 2005 الى 2015
كلها قديمة و معروفه بس اسمعها و لا اعيرها اهتمام
مثلا
1- لا تدور المشاريه على احد ( الي في الناس يكفيها )
2- السفر و سجة الخاطر فيها راحة ما توصف
3 - السكوت مستحيل تندم عليه
4 - الكرم و لا غير الكرم تستر عيوب كثيره في الرجال
5 - الي في يد الرجال ما تقول عليه ( اذا احد توسط بك عند اي شخص لا تطق صدرك و تقول انا لها حتى لو كان اقرب صديق )
6 - الصديق الي يكثر اللوم عليك و يثقل عليك بالكلام و قلبك يرتاح له تمسك فيه
7 - لا تبدي سرك لأحد لو يكون من يكون ( على اساس بتخفف عن نفسك ترى بيزيد همك هم )
8 - اذا سولفت في مجلس لا تطول سالفتك و تسمجها
9 - اذا كنت تنسى كثير لا تكذب
10 - في مجال العمل لا تحسد احد على دورة او نقل او انتداب و تقول انا الأحق و الله يا رزقك الي كتبه ربك بيجيك
لا تدور المنقود و الشرهة و تحطها فوق راسك
|