يابو شهد وصل اشواقي الى الظبية=بنت الحسب والنسب والمركز العالي
قلت جروح بوسط القلب مخفية=واصبحت لا ذوق لامراً ولا حالي
خلاً ذبحني بسكيناً غمارية=والقلب من حرها يصلى على صالي
انشهد انه كواني في الحشاء كيه=وان مت إلا أنه سبب همي وغربالي
أموت واحيا في البنت السنافية=ومن أجل ظبية يهون الروح والغالي
زهرة ربيعي من الأرض الجنوبية=ماينثني عودها والوسم همالي
يطيب لون الزهر من طيب الارضية=وهذي مزارع عريب الجد والخالي
ماقلتها الأولى في الزين مارية=مااحداً من الناس يشبه طيب الفالي
الطبع والاصل والاخلاق الاصلية=شاهتها كلها في سمح الاقبالي
ياحظ من ساعده ربي بحوريnه=تغني حياته من الاول الى التالي
والحر يكبر مع الناس الكبارية=والمال مهما كثر ما يرفع الجالي
بالحب تملك قلوب الراس مالية=وصدق المشاعر تدوم ويذهب المالي
لاشك شرقت والاشواق شرقية=وياحسرتي ان كان خلي ماتهيالي
بالحيل متعوب واحوالي شقاوية=من غالياً مانشد عني ولا سالي
اشتاق شوق الصحاري للنداوية=إللي عليها الهجير وفي الخلا الخالي
وابعث قصيدي للنجم السماوية=واحلم بساعة وصالي وتكبر آمالي
وهذي حقيقة ماهبب أحلام وردية=ماحيلت الهايم إلا بدع الامثالي