يا طبيب الناس ما عندك دوايا = علّلتي بالقلب عن عينك خفيّه
لي سنه وشهور والعلّه معايا = والدوى معدوم عند الصيدلية
الله اللّي مطلع سرّ الخفايا = لا نوى نجّاك من حوض المنيّه
ليت قلبي ما تولّع بالصبايا = ليتني ما شفت مجلّي الثنيّة
طول عمري ما تعمّدت الخطايا = اعذريني يالعنود الغشمريّة
والهوى ممنوعة(ن) فيه الشكايا = يا قتيل الحبّ مجهول الهويّة
يا لطيف الروح في حبّك مزايا = لا حشى لله انا ماشفت زيّه
روح يا مملوح واسرارك خفايا = عندنا اسرار الهوى دايم خفيّه
عندنا الاسرار ما تعطى هدايا = وعندنا المخلوق ما يغدر خويّه